Bu gün bu uğurun əsas pay sahibi, Mərkəzimizdə yerləşən Kibertəhlükəsizlik Akademiyasının Baş Təlimçisi Məmməd Rəhimzadədir.
Dünyaca məşhur Almaniya avtomobil şirkəti “Mercedes-Benz”-in dünyanın dört bir yanından iştirakçıların qatıldığı “Zəifliklərin Aşkar Olunması Proqramı” (VULNERABILITY DISCLOSURE PROGRAM) çərçivəsində aparılan proqramda WEB SAYT sistemləri daxilində (Subdomain Takeover) hücum boşluğu aşkar edərək şirkət tərəfindən rəsmi təsdiq almışdır.
Bununla yanaşı Məmməd Rəhimzadə 2022-ci il üzrə “Mersedes-Benz”-in VULNERABILITYl DISCLOSURE PROGRAM daxilində yerləşdirdiyi Beynəlxalq (HALL OF FAME) Şərəf Lövhəsində ilk Azərbaycanlı (Ethical Hacker) olaraq qeyd olunmuş və ölkəmiz adına çox önəmli uğur qazanmışdır. Məmməd Rəhimzadə bu ilin əvvəllərində də dünyanın önəmli şirkətlərindən olan “Keepface” , “Youtube”, “Metaflueance”, “Urban Company”, “Yemeksepeti” və digər bənzər platformalarda bu cür zəifliklər aşkar etmişdir.
Bakı Gənclər Mərkəzi ailəsi adından dəyərli təlimçimiz Məmməd Rəhimzadəyə gələcək karyerasında uğurlar arzu edirik.
