“Layihə təklifinin hazırlanması” mövzusunda təlim

Bakı Gənclər Mərkəzinin təşkilatçılığı ilə Dövlət Miqrasiya Xidməti (DMX) yanında İctimai Şuranın sədri, sosial fəlsəfə üzrə fəlsəfə doktoru Azər Allahverənov tərəfindən “Virtual inkişaf” layihə çərçivəsində fəal gənclər üçün “Layihə təklifinin hazırlanması” mövzusunda təlim baş tutub.

5 sentyabr 2020-ci il tarixində baş tutan təlimdə gənclərə layihə planlaşdırılması və layihə mərhələləri, problemin qoyuluşu, layihənin əsaslandırılması, layihənin məqsəd və vəzifələri, görüləcək işlər və layihənin icra metodologiyası haqqında geniş məlumat verilib və mövzu ətrafında sualları cavablandırılıb.

Təlimdə gəncləri düşündürən aktual mövzulara, cəmiyyətdə mövcud olan bir sıra sosial məsələlərə nəzər salınıb və onların layihə çərçivəsində həlli ilə bağlı praktiki aspektlərinin təhlilləri aparılıb.

Layihə təklifinin hazırlanması bacarığına xüsusi diqqət yetirən gənclər gələcəkdə bu mövzuda dərinləşdirilmiş təlimlərin keçirilməsində maraqlı olduqlarını bildiriblər.

Gələcəkdə layihə təkliflərinin hazırlanması və idarə olunmasının ayrı-ayrı aspektlərinə həsr ediləcək silsilə təlimlərin keçirilməsi planlaşdırılır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir